Lo Lemosin compta demest los paises d'Oc, son espandiment desbòrda la region administrativa que ne pòrta lo nom per junhèr lo Confolentès e lo Peiregòrd Verd.
Situit au Nord de l'Euròpa dau Sud, sèm plaçats a l'articulacion entre 2 espacis : quèu que vira a l'entorn de la Miegterrana e quèu que s'organisa dins lo baçin parisenc.
Demest las vias de pelegrinatge chap a St Jaume de Compostela, la quèla que pòrta lo nom de "Limoviencis" testimònia de l'importença qu'ajèt Limòtges, vila santa dau reiaume d'Aquitània. L'Abadia St Marçau i atirèt un nombre gran de creators d'emaus, reputats dins Euròpa tota.
La lenga occitana i era lenga administrativa, conjutament coma lo latin, mas subretot lenga de creacion literiaria, pel prumièr còp en Occident crestian, e los trobadors lemosins ajèren n'influença emulatritz dins los autres paises d'Oc tamben coma dins los espacis europencs e miegterranencs.
Region essencialament rurala, sèm caracterisats per n'alternança de montanha mejana e de baçins valonats ente se troban las aglomeracions : Limòtges, l'obriera e Briva la comerçanta.
De pertot se trapa daus rius e de las fonts, lo plan de Miuvachas, deut son nom a la "milas sorgas" que lhi son e non pas a la raça de vacha lemosina.
En Lemosin, lo chamin lo pus drech sira pas lo pus seche !
País acculhissent ; i avia totjorn la part e la chadiera dau paubre a la taula familiala. Costuma que se tròba d'enguerras dins la formula emblematica de benvenguda que se dis uei mai que jamai.
Venetz descubrir la dolçor de 'na natura gardada, las bonas taulas, la richessa dau terraire, e la chalor 'magada de sos abitants :
Chabatz d'entrar ! setz en Lemosin
La se maina de las parts en amont :
Es clavaira de l'associacion MXL87.
f.sausset@mxl87.com
Qu'es se que calcula tot quò que concernis l'imatge :
Es president de l'associacion MXL87.
m.champaud@mxl87.com
La mascòta, es 'na lemosina vertadièra, surtida de Lanaud a Limòtges. Tota doça amb los enfants, e los autres, la a totjorn dau succès a distribuir los catalògis sus lo stand. Son chamison MXL87 es especiau per ela.
roberta@mxl87.com
